Nov president SRG SSR

Jean-Michel Cina a 53 onns ed è advocat e notar. Dapi il 2005 è el directur d’economia dal chantun dal Valais, avant era el cusseglier naziunal. Actualmain presidiescha el era la conferenza da las regenzas chantunalas (KdK). Jean-Michel Cina è ina persuna cun gronda experientscha ed ina rait impurtanta en politica ed economia, el sta era per il federalissem en Svizra. Jean-Michel Cina è maridà ed ha dus uffants.

74 persunas sun stadas sin ina prima glista d’evaluaziun, cun sis persunas han gì lieu discurs. La cumissiun da nominaziun sut la batgetta dal cusseglier administrativ (CA) da la SRG SSR, Jean-François Roth, aveva cusseglià dus candidats al CA. Suenter ina examinaziun fundada ha il CA proponì a Jean-Michel Cina per l’elecziun.

Jean-Michel Cina s’allegra sin sia nova incumbensa. “Jau sun in represchentant persvas dal service public. Jau hai servi en administraziun e politica e hai ramassà experientscha en l’economia privata en cussegls administrativs. Igl è in’onur, ma era in responsabladad, d’esser president da la chasa da medias publica da l’SRG SSR.”

Viktor Baumeler, actual president, sa mussa fitg cuntent che la proposta è vegnida acceptada. El è persvas che Jean-Michel Cina rinforzia ils CA e ch’el possia promover il dialog cun la politica.