Bild von RTR ha in nov schefredactur
SRG SSR Svizra Rumantscha

RTR ha in nov schefredactur

Ils 27 da zercladur ha il cussegl d’administraziun da la Societad svizra da radio e televisiun SRG SSR elegì Flavio Bundi da Glion sco nov schefredactur RTR. L’elecziun è vegnida fatga sin proposta da la suprastanza da la societad purtadra SRG.R. Oscar Knapp, president da la SRG.R, è fitg cuntent cun l’elecziun: «Suenter ina procedura da tscherna conscienziusa avain nus chattà cun Flavio Bundi in excellent candidat. El ha experientscha da render accessibel temas politicamain cumplexs ad in public vast. Medemamain enconuscha el fitg bain la scena culturala dal Grischun, e vegn cun sia moda e maniera frestga ed engaschada a purtar in nov vent en la chasa da medias rumantscha. La directura da RTR, Ladina Heimgartner, sa legra da la tscherna: «Sco dirigent e musicist passiunà sa Flavio Bundi co tractar armonias e dissonanzas. Ina impurtanta caracteristica per ina persuna che maina en la branscha da medias. Sin nossa via en il futur digital vegn Flavio Bundi a chapir da metter novs ed impurtants accents.»

Approximitad e sensibilisaziun stattan en il center

Flavio Bundi è creschì si a Glion ed ha fatg la matura en il gimnasi da la Claustra da Mustér. Suenter quatter onns tar la Guardia svizra papala a Roma ha el studegià germanistica, politologia e sociologia (focus sin medias e communicaziun) a l’Universitad da Berna. Durant e suenter ses studi ha el lavurà sco collavuratur liber tar il «Bündner Tagblatt». En ses temp tar la Guardia svizra papala a Roma è el stà schef da persunal e responsabel per las medias. En il Grischun è Flavio Bundi bain enconuschents per sia lavur sco cumponist e dirigent. El dirigia il «Chor mischedau Suraua» e maina il chor «kontra.cant». Per ses engaschament musical ha el survegnì l’emna passada in premi da renconuschientscha dal chantun Grischun.

Flavio Bundi è vicemanader da fatschenta da la Federaziun Svizra dal Parlament dals giuvens (Dachverband Schweizer Jugendparlamente) e responsabel per il program «easyvote». «easyvote» infurmescha simpel, chapibel e neutral davart fatschentas che vegnan en votaziun. Il program ha la finamira da motivar giuvens e giuvnas votantas dad ir a l’urna. «La massa d’infurmaziun è ozendi fitg gronda. I dovra ina lavur da sensibilisaziun ed integraziun cumpetenta ed chapibla. Quai, sco era l’approximitad al public èn per mai ils elements centrals dal service public. Jau ma legrel zunt fitg sin questa nova sfida tar RTR.», di il nov schefredactur.

Flavio Bundi cumenza sia plazza ils 1. da november 2017. Il schefredactur partend, Gian Ramming, resta commember da la direcziun RTR e surpiglia ed installescha la nova partiziun «svilup».

Dapli infurmaziuns
Radiotelevisiun Svizra Rumantscha, Via da Masans 2, 7000 Cuira
Tamara Deflorin, scheffa communicaziun, tel. 081 255 75 09, 078 847 66 02, tamara.deflorin@rtr.ch

Suenter l'elecziun

Diese Beiträge könnten Sie auch interessieren:

Bild von Flavio Bundi wird Chefredaktor RTR

Flavio Bundi wird Chefredaktor RTR

Der neue Chefredaktor von Radiotelevisiun Svizra Rumantscha heisst Flavio Bundi. Der 30-jährige Ilanzer tritt am 1. November 2017 die Nachfolge von Gian Ramming an. In seiner neuen Funktion wird er die Radio-, TV- und Online-Angebote verantworten.

Leger vinavant

Bild von Vom zugeschütteten Röstigraben und  abgetragenen Gotthardmassiv

Vom zugeschütteten Röstigraben und abgetragenen Gotthardmassiv

Nur wenige Schritte neben dem markanten Eingang des Parlamentsgebäudes liegt das Medienzentrum. Dort − so sagte man uns − soll eine kleine Schweiz in der Schweiz existieren, eine Welt ohne Röstigraben. Wir besuchen dieses Ideal, die Bundeshausredaktion der SRG.

Leger vinavant

Bild von Schweizer Musikpreis live auf den Websites der SRG SSR

Schweizer Musikpreis live auf den Websites der SRG SSR

Die SRG überträgt die fünfte Verleihung des Schweizer Musikpreises am 13. September 2018 auf den Websites ihrer nationalen Sender, diesmal live aus Lausanne.

Leger vinavant

Teilen Sie uns Ihre Meinung mit (bitte beachten Sie die Netiquette/AGBs)

Lade Kommentare...
Noch keine Kommentare vorhanden

Leider konnte dein Kommentar nicht verarbeitet werden. Bitte versuche es später nochmals.

Ihr Kommentar wurde erfolgreich gespeichert und wird nach der Freigabe durch SRG Deutschschweiz hier veröffentlicht