La radunanza generala 2018 a Landquart - ina radunanza plain emoziuns
SRG SSR Svizra Rumantscha News

La radunanza generala 2018 a Landquart - ina radunanza plain emoziuns

Ina elecziun, in engraziel ed ina surdada dal premi SRG.R 2018 - quai èn stadas las ingredienzas principalas da la radunanza generala 2018 a Landquart. Il candidat che la suprastanza da la SRG.R aveva proponì, Vincent Augustin è vegnì elegì unanimamain da las 68 persunas preschentas cun dretg da vuschar. Suenter che la directura da RTR, Ladina Heimgartner ha dà in sguard enavos ed enavant sin las fatschentas da RTR ha ella engrazià a moda speziala al president partent. Ensemen cun la directura è sa furmà in entir chor che ha chantà chanzuns che han da far cun diversas staziuns da la vita dad Oscar Knapp. In mument fitg emoziunal. Per emoziuns han er ils uffants dal "chor d'affons Sumvitg" procurà - els han pudì prender encunter il premi SRG.R 2018 ed han engrazià cun diversas chanzuns da lur repertori. Bels pleds da laudatio ha il cusseglier naziunal Martin Candinas chattà. El saja losch da pudair far la laudatio per quest chor che deriva da sia patria. I saja propi da smirvegliar che quest chor attiria tants uffants da Sumvitg e conturn. Quai saja franc er il merit dals organisaturs, en spezial da la dirigenta actuala Flavia Walder-Hublard. Il chor po festegiar quest onn ses 20avel anniversari.

Impressiuns da la radunanza

Dieser Beitrag könnte Sie auch interessieren:

me

Vincent Augustin succeda ad Oscar Knapp

Sonda, ils 26 da matg 2018 ha la radunanza generala da la SRG SSR Svizra Rumantscha (SRG.R) elegì in nov president. L'advocat Vincent Augustin ch'era vegnì proponì da la suprastanza da la SRG.R è vegnì elegì unanimamain.

Weiterlesen

Teilen Sie uns Ihre Meinung mit (bitte beachten Sie die Netiquette/AGBs)

Keine Kommentare vorhanden.