Bild von RTR tschertga inA novA directurA
SRG SSR Svizra Rumantscha News

RTR tschertga inA novA directurA

RTR Radiotelevisiun Svizra Rumantscha è ina interpresa da medias audiovisuala e digitala moderna cun in’atgna purschida da radio, televisiun e multimedia (budget annual CHF 25 miu.) e cun passa 170 collavuraturas e collavuraturs a Cuira, en la Surselva, en il Grischun Central, en l’Engiadina ed a Berna.

Per la gestiun operativa da questa unitad d’interpresa da la SRG SSR tschertgain nus ina/in

directura / directur

RTR Radiotelevisiun Svizra Rumantscha

La directura/il directur è plinavant commembra/commember da la direcziun naziunala da la SRG SSR, collavura en la gestiun da l’entira interpresa SRG SSR ed è responsabla/responsabel envers ses superiur direct, il directur general da la SRG SSR. Sco directura/directur RTR sa participais Vus er activamain a las sedutas da la suprastanza da la SRG. R (SSR Svizra Rumantscha).

Incumbensas principalas:
Vus purtais la responsabladad per il program, las collavuraturas ed ils collavuraturs, las finanzas, la tecnica, l’infrastructura e per la distribuziun da la purschida mediala da RTR. Voss champ d’acziun è lià a la concessiun ed a las strategias d’interpresa e da purschida da la SRG SSR.

Sin champ naziunal surpigliais Vus ulteriurs pensums pretensius, manais e responsais projects cumplexs, e grazia a Voss’experientscha professiunala represchentais Vus RTR a moda cumpetenta en ils gremis da la SRG SSR e collavurais cun quels.

Sco directura/directur essas Vus la persuna da contact per tut las relaziuns externas da RTR, en spezial cun la “Svizra rumantscha”, la societad civila dal chantun Grischun e da la Svizra e Vus tgirais ina relaziun activa cun la publicitad, en spezial cun la cuminanza linguistica e culturala rumantscha.

Profil d’exigenzas:
Nus tschertgain ina persunalitad dinamica e captivanta cun autas cumpetenzas communicativas e socialas, cun forza persvasiva sco er cun ina scolaziun solida sin nivel universitar u equivalent. Vus savais agir cun success tant sin il plaun local da l’interpresa sco er sin quel naziunal da la SRG SSR.

Vus disponis da know-how en l’economia da manaschi ed avais enconuschientschas profundas da las medias audiovisualas e/u digitalas sco er experientscha da manar. Per savair sviluppar e rinforzar la purschida digitala da l’interpresa èsi en mintga cas impurtant d’avair ina grond’affinitad per il svilup digital.

Vus avais in dun da patratgar da moda strategica e concepziunala e Vus savais inizialisar, manar e realisar process en tut ils secturs da l’unitad d’interpresa RTR e da la SRG SSR. Vus lavurais da maniera proactiva, identifitgais trends e svilups ed essas capabla/capabel d’implementar e realisar quels tar RTR ed en la SRG SSR.

Fitg bunas cumpetenzas dal rumantsch e dal tudestg èn indispensablas. Enconuschientschas solidas dal franzos e talian èn da grond avantatg. Ultra da quai savais Vus er communitgar per englais.

La directura/il directur RTR vegn elegida/elegì dal cussegl d’administraziun da la SRG SSR sin proposta da la suprastanza da la SRG.R.

Persunalitads interessadas èn envidadas da trametter lur annunzia cumpletta enfin ils 12 da schaner 2020 per e-mail a la cussegliaziun d’interpresa incumbensada che stat er a disposiziun per dumondas.

Amrop Executive Search AG, Dr. André S. Wirz, Partner, andre.wirz@amrop.ch +41 44 919 86 09.

Amrop Executive Search AG Morgental 33 CH-8126 Zumikon T +41 44 919 86 86 F +41 44 919 86 87 www.amrop.ch www.amrop.com

Teilen Sie uns Ihre Meinung mit (bitte beachten Sie die Netiquette/AGBs)

Lade Kommentare...
Noch keine Kommentare vorhanden

Leider konnte dein Kommentar nicht verarbeitet werden. Bitte versuche es später nochmals.

Ihr Kommentar wurde erfolgreich gespeichert und wird nach der Freigabe durch SRG Deutschschweiz hier veröffentlicht