Iniziativa dal pievel: «Gea per abolir las taxas da radio e televisiun (Abolir las taxas Billag)» Preziadas commembras e preziads commembers da l'uniun SRG SSR Ils 4 da mars 2018 voteschan il pievel ed ils chantuns davart l'iniziativa No Billag. Quella vul abolir las taxas da radio e televisiun. Il text da l'iniziativa pretenda che la Confederaziun na dastga betg pli subvenziunar staziuns da radio e televisiun – e quai gia a partir dal 1. da schaner 2019.

Na a No Billag - Nus duvrain mintga vusch! Il pli impurtant è: Ir a vuschar cunter l’iniziativa – saja quai persunalmain a l’urna u avant ils 4 da mars en scrit. Mobilisai er a bucca, per mail e via medias socialas bleras persunas, parents ed enconuschents da far il medem. Na a No Billag – nus duvrain mintga vusch!

Radiotelevisiun Svizra Rumantscha (RTR) e la fundaziun «FONSART» han lantschà l'october 2017 l'emprima plattafurma digitala, istorica e participativa da la Svizra rumantscha e dal Grischun. Sin «nossaistorgia.ch» pon privats ed instituziuns metter online lur fotografias, videos u dossiers e parter quels cun la communitad.

Pertge datti insumma in servetsch da mediaziun? Co è quel naschì e co funcziuna quel insumma? Respostas sin talas ed autras dumondas chattais en questa broschura da Roger Blum ed Ignaz Staub. Er il mediatur da la Svizra Rumantscha, Toni Hess vegn a pled. El declera daco ch'el haja enfin uss (15 onns) mo gì in sulet cas da mediaziun en il Grischun.

Il cussegl d’administraziun da la SRG SSR ha elegi Flavio Bundi sco nov schefredactur da RTR. Flavio Bundi cumenza sia nova funcziun ils 1. da december 2017.

In’emissiun quotidiana sur dals eveniments al Campiunadi mundial da skis a San Murezzan, cun sport e cumedia, cun giasts prominents e musica, cun istorgia e cun ina rubrica rumantscha – Vus pudais esser da la partida persunalmain a San Murezzan!

Il comité d'organisaziun dals Dis da litteratura a Domat han pudì prender encunter il premi da la SRG SSR Svizra Rumantscha 2017. Il premi è vegnì surdà a chaschun da la radunanza generala da la SRG.R il zercladur 2017.

Ils 2 da december 2016 s'ha inscuntrada la suprastanza da la SRG.R cun il directur general da la SRG SSR Roger de Weck e la direcziun da RTR a Vella.

La radunanza da delegads da la SRG SSR dals 25-11-2016 ha confirmà unanimamain a Gilles Marchand sco nov directur general davent dals 1. october 2017.

Per tge che nus stain en. Co che nus agin. Tge che nus empermettain.