In cordial bainvegni tar la SRG SSR Svizra Rumantscha!
Grazia fitg per tia annunzia da daventar commembra/commember da la SRG SSR Svizra Rumantscha. En curt retschaivas ti ina conferma per e-mail e pli tard er per posta.
Nus ans allegrain che ti t'engaschas per il mantegniment da medias independentas e per il service public. Bel ch'il dialog tranter la SRG SSR e la populaziun ta para impurtant. La raportaziun independenta è ina pitga preziusa da la democrazia. Las infurmaziuns sa derasan ozendi a moda rasanta sur chanals digitals ed igl è grev da differenziar tranter infurmaziuns fundadas e Fake News. Gist perquai dovri ina chasa da medias independenta e fidada sco la SRG SSR.
Has anc dumondas, remartgas u propostas? Nus avain plaschair sche ti entras en contact cun nus.
Cordials salids dal secretariat da la Svizra Rumantscha
Sandra Carisch-Killias
T'infurmescha davart la SRG SSR ed il mund da las medias:
- Newsletter da RTR: RTR trametta a tai infurmaziuns davart las emissiuns, las actualitads da la regiun e las tematicas direct sin tes apparat mobil. T'annunzia per la newsletter ed inditgescha tge temas che t'interessan.
Tgi è la SRG SSR Svizra Rumantscha?
La SRG SSR Svizra Rumantscha fa part da la SRG Deutschschweiz, ma ella è er ina da las 4 societads regiunalas, che furman la SRG SSR. L'uniun SRG SSR maina la pli gronda interpresa da medias Svizra cun incumbensa publica. Ella garantescha in service public audiovisual, politicamain ed economicamain independent en tut las 4 parts linguisticas da la Svizra.