Incumbensas e cumpetenzas

La suprastanza ha tschintg commembras/commembers: la presidenta/il president da la SRG.R che presidiescha il medem mument er la suprastanza, quatter commembras/commembers elegids da la radunanza generala. La suprastanza maina las fatschentas da l’uniun. Ella è responsabla per tut las fatschentas betg resalvadas expressivamain tras ils statuts u il reglament d’organisaziun ad in auter organ. La suprastanza designescha las persunas autorisadas da represchentar la SRG.R. La suprastanza maina e surveglia las incumbensas sociocivilas da la SRG.R

La suprastanza ha las suandantas incumbensas generalas ed intransferiblas che cumpetan a las commembras/ils commembers sco gremi cumplessiv:

  • fixescha ils concepts da program da l’unitad d’interpresa RTR entaifer las directivas da la strategia da program dal cussegl d’administraziun SRG SSR
  • reparta ils meds sin las chadainas e sin ils secturs da program confurm als concepts dal program e las cundiziuns da pajament definids dal cussegl d’administraziun SRG SSR
  • fa proposta al cussegl d’administraziun SRG SSR per la tscherna da la directura/dal directur da l’unitad d’interpresa RTR e dal cader dal segund stgalim directiv cun responsabladad relevanta per il program
  • decida davart midadas dals lieus da studio da l’unitad d’interpresa RTR e suttametta quellas propostas al cussegl d’administraziun SRG SSR per l’approvaziun
  • decida davart midadas da la structuraziun regiunala en l’unitad d’interpresa RTR e suttametta quellas propostas al cussegl d’administraziun SRG SSR per l’approvaziun
  • fa propostas al cussegl d’administraziun SRG SSR concernent la qualitad ed il service public da l’unitad d’interpresa RTR
  • tracta ulteriuras fatschentas assegnadas ad ella dal cussegl d’administraziun SRG SSR per preparar e far propostas
  • fixescha il reglament d’indemnisaziun per mandataris dals organs SRG.R
Suprastanza perioda d'uffizi 2019-2020 (foto: Momir Čavić)

  • Vincent Augustin

    president SRG.R
    advocat

  • Elena Luzio

    vicepresidenta SRG.R,

    scheffa dal "Incubatour da mobilitad SBB infrastructura" e responsabla per il svilup strategic da la rait da viafier

  • Gion Lechmann

    manader da l'uffizi chantunal per la furmaziun media-superiura

  • Elvira Pünchera

    magistra e manadra da scola, S-Chanf

  • Roger Tuor

    mainafatschenta Regiun Surselva, Mustér