La radunanza generala 2018 a Landquart - ina radunanza plain emoziuns
SRG SSR Svizra Rumantscha News

La radunanza generala 2018 a Landquart - ina radunanza plain emoziuns

Passa 100 persunas èn sa radunadas la sonda, ils 26 da matg en l'auditori Weber dal Plantahof a Landquart per la radunanza generala 2018. La tractanda principala è stada l'elecziun d'in nov president. La radunanza ha elegì l'advocat Vincent Augustin da Mon ch'era vegnì proponì da la suprastanza. El succeda ad Oscar Knapp da Scuol che terminescha sia perioda d'uffizi la fin da quest onn. La directura da RTR, Ladina Heimgartner ha purtà in engraziel fitg tut spezial ensemen cun collavuraturas e collavuraturs da RTR. Els han furmà in pitschen chor che ha chantà in medley da chanzuns che han da far cun differentas staziuns da vita dal president Oscar Knapp, che ha lavurà avant sco ambassadur en divers pajais. Il premi SRG.R 2018 è vegnì surdà ufficialmain al "chor d'affons Sumvitg" che stat sut la batgetta da Flavia Walder-Hublard. Sa chapescha ch'il chor è er sa preschentà cun intginas chanzuns da ses repertori fitg vast. La laudatio ha il cusseglier naziunal Martin Candinas fatg. El, ch'è sez creschì si en la vischnanca da Sumvitg, ha numnà ils success dal chor e punctuà che quest success saja mo pussaivel entras l'engaschi da in e scadin. I saja propi da smirvegliar ch'ina vischnanca sco Sumvitg possia motivar passa 60 uffants da chantar en in chor, e quai, malgrà che la purschida da passatemps daventa pli e pli vasta.

 

 

Impressiuns da la radunanza

Questa contribuziun pudess era plaschair Vus

me

Vincent Augustin succeda ad Oscar Knapp

Sonda, ils 26 da matg 2018 ha la radunanza generala da la SRG SSR Svizra Rumantscha (SRG.R) elegì in nov president. L'advocat Vincent Augustin ch'era vegnì proponì da la suprastanza da la SRG.R è vegnì elegì unanimamain.

Leger vinavant

Ans communitgai Voss parairi (per plaschair cun resguardar Netiquette/cundiziuns generalas da fatschentas)

Nagins commentaris avant maun.