Vincent Augustin succeda ad Oscar Knapp
Da sanester: Il president da la SRG.R, Oscar Knapp e ses successur Vincent Augustin
SRG SSR Svizra Rumantscha News

Vincent Augustin succeda ad Oscar Knapp

Dr. iur. Vincent Augustin ha 62 onns ed abitescha a Mon. El è tranter auter stà 9 onns president da la Lia Rumantscha. Enfin il 2015 è el ultra da quai stà manader da fatschenta da santésuisse Grischun. Sco advocat ha el adina puspè da s'occupar cun dumondas che pertutgan radio e televisiun. Dapi quatter onns fa el numnadamain part da l’Autoritad da recurs independenta davart radio e televisiun, AIRR, u per tudestg: UBI, la quala el presidiescha dapi 2016. Sco president da la SRG.R dat el giu il presidi da la AIRR.

Vincent Augustin succeda ad Oscar Knapp da Scuol che sto remetter ses uffizi tenor statuts la fin da l’onn essend ch’el accumplescha 70 onns. Dapi il schaner 2013 è l’anteriur ambassadur Oscar Knapp stà a la testa da la SRG.R e tras quai er en il cussegl administrativ da la SRG SSR.

 

Tags

Questa contribuziun pudess era plaschair Vus

me

La radunanza generala 2018 a Landquart - ina radunanza plain emoziuns

Ils 26 da matg 2018 han passa 100 persunas prendì part a la radunanza generala en l' auditori Weber dal Plantahof a Landquart. Tractanda principala è stada l'elecziun d'in successur dal president Oscar Knapp.

Leger vinavant

Ans communitgai Voss parairi (per plaschair cun resguardar Netiquette/cundiziuns generalas da fatschentas)

Nagins commentaris avant maun.