Rapports annuals
SRG.R - sa prepara per las sfidas
Suenter la clamada da Mariano Tschuor en la direcziun generala da la SRG a Berna, ha la suprastanza SRG SSR Svizra Rumantscha (SRG.R) fatg la procedura da tscherna. Ella ha proponì d’eleger Ladina Heimgartner da Scuol sco nova directurada RTR. Il cussegl d’administraziun ha acceptà la proposta e Ladina Heimgartner ha surpiglià il timun da RTR il prim d’avust 2014. En num da la SRG.R engraziel jau fitg a Mariano Tschuor per sia lavur prestada. Tant a Ladina Heimgartner sco era a Mariano Tschuor giavischain nus success e satisfacziun cun lur novas responsabladads.
Survista dals ultims rapports annuals
Oscar Knapp surpiglia il presidi da la SRG.R
Duri Bezzola surdat il timun ad Oscar Knapp
Ultim rapport da Duri Bezzola
Bilantscha da program RTR
La bilantscha da program mussa las activitads per garantir programs audiovisuals era per rumantsch.
Ir enavant
La bilantscha da program cumpara annualmain e mussa nossas activitads
L’onn da las narraturas e dals narraturs
Mantegnair, cooperar, acquistar
Rapports annuals
2016 In onn da midadas cun bleras sfidas
Sin nivel naziunal e regiunal ha i dà novas fatschas. Jean-Michel Cina, cusseglier guvernativ dal Vallais, è vegnì elegì sco nov president da la SRG SSR. Gilles Marchand daventa il nov directur general e successur da Roger de Weck. Lur pensum na vegn betg ad esser simpel en vista a la votaziun che vul stritgar las contribuziuns u taxas da recepziun a la SRG SSR. Per RTR e la SRG.R fissan las consequenzas fatalas sche quest'iniziativa vegniss acceptada. Oscar Knapp, il president da la SRG.R: "Per evitar quai stuain nus ans engaschar en las discussiuns areguard il service public da la SSR en general e quel da la SRG.R e da RTR en spezial. Lain defender il servetsch public da RTR en la quarta lingua che ans porta ina plivalur stgetta e netta: sin il champ da l’infurmaziun locala e regiunala, dal sport regiunal, da la musica tradiziunala e moderna, dals chors e bler auter pli – e tut quai per rumantsch."
2015 Las sfidas cuntinueschan
La nova lescha da radio e televisiun (LRTV) è vegnida acceptada, las sfidas a reguard las discussiuns sur dal service public cuntinueschan dentant. La SRG SSR ha stuì realisar in impurtant program da spargn sco consequenza ad ina decisiun dal Tribunal federal areguard la taglia sin la plivalur. La nova pagina internet SRG.R è vegnida lantschada, ella sa basa sin la pagina da la SRG.D Svizra tudestga. Cun la dieta naziunala ha la SRG.R ospità in'occurrenza naziunala da la SRG SSR cul tema "La contribuziun da la SRG SSR a la democrazia".
2014 Sa preparar per las sfidas
Suenter la clamada da Mariano Tschuor en la direcziun generala da la SRG a Berna, ha la suprastanza SRG SSR Svizra Rumantscha (SRG.R) fatg la procedura da tscherna. Ella ha proponì d’eleger Ladina Heimgartner da Scuol sco nova directurada RTR. Il cussegl d’administraziun ha acceptà la proposta e Ladina Heimgartner ha surpiglià il timun da RTR il prim d’avust 2014.