Istorgia da la CRR / SRG.R

2015: Per l'emprima giada ha la radunanza generala da la SRG.R betg lieu en il Grischun, mabain en la Bassa, a Turitg.

2014: La primavaira ha il cussegl dal public surdà per l'emprima giada il Premi schurnalistic SRG.R, quel succeda al Premi Cristal ch'è vegnì surdà ils onns 1998-2005.

2012: A chaschun da la radunanza generala a Scuol vegn Oscar Knapp elegì nov president da la SRG.R.

2009: Il matg surpiglia Mariano Tschuor il post da directur RTR da Bernard Cathomas.

2007: La CRR ha fatg ina revisiun totals da ses statuts. Quelle includa era la midada dal num da CRR ad SRG SSR Svizra Rumantscha (SRG.R). Ils status entran en vigur il 1. da schaner 2009.

2006: L'entschatta da l'onn surpiglia Duri Bezzola il presidi da la CRR. El remplazza Luregn Mathias Cavelty che ha presidià la societad purtadra dapi 1997.

2001: L'entschatta settember entra Bernard Cathomas en uffizi sco nov directur RTR. El daventa successur da Chasper Stupan (directur RTR 1984-2001).

1997: Creaziun dal premi schurnalistic "Cristal" (sper il premi CRR tradiziunal) per prestaziuns dals meds electronis.

1996: La festa commemorativa "50 onns CRR" ha gì lieu ils 12 d'october 1996, pia sin il di exact 50 onns suenter che la radunanza da fundaziun aveva gì lieu en l'hotel Lucmagn a Cuira.

1991: La CRR obtegna la posiziun d'ina societad regiunala en il sectur da radio.

1946-1991: Grond svilup da la structura organisatorica da la CRR.

1946: La CRR (Cumünanza radio rumantsch) vegn fundada. La radunanza da fundaziun ha lieu ils
12 d'october 1946 en il hotel Lucmagn a Cuira. L'onn 1954 vegn la CRR recepida en la SSR.

1938: Cun la renconuschientscha dal rumantsch sco lingua naziunala sa mida bler.

1931: Ils 24 da favrer 1931 vegn fundada la Societad svizra da radiodiffusiun (Societad svizra da radio SSR) a Berna.

1923-1930: Set societads regiunalas vegnan fundadas.

1919-1922: Davent da l'entschatta dal 1921 dat l'instanza federala puspè singulas concessiuns per emprovas cun emetturs da radio.

1914-1918: La guerra retegna las emprimas emprovas da sviluppar il radio. Gia 1895 ha Guglielmo Marconi da Griffone sper Bologna inventà in'antenna che pussibilitava da transmetter signals sur ina distanza da plirs kilometers. Il svilup tecnic capita en il 20avel tschientaner. En Svizra dateschan las emprimas concessiuns per derasar emissiuns da radio da l'onn 1911. Cun l'entschatta da l'emprima guerra mundiala l'onn 1914 vegnan ils emetturs d'emprova bloccads.

Oscar Knapp da Scuol dapi il 2013 president da la SRG.R 

8_Knapp Oscar 2013 (2).jpg

L'econom ed anteriur ambassadur Oscar Knapp da Scuol ha lavurà en il servetsch diplomatic da la confederaziun, tranter auter sco ambassadur en l'Austria e la Brasilia. El è era stà secretari da stadi per relaziuns internaziunalas da finanzas.

 Presidents da la CRR / SRG.R 1946 fin oz

7_Bezzola Duri 2006-2012.jpg

6_Cavelty Luregn Mathias 1997-2005.jpg

5_Caviezel Fidel 1985-1996.jpg 4_Sonder Stefan 1968-1984.jpg
Duri Bezzola (2005-2012) Luregn Mathias Cavelty (1997–2005) Fidel Caviezel (1985–1996) Stefan Sonder (1968–1984)
3_Badraun Christian 1959-1968.jpg 2_Murk Tista 1951-1959.jpg 1_Ganzoni Robert 1946-1951.jpg  
Christian Badraun (1959-1968) Tista Murk (1951–1959) Robert Ganzoni (1946–1951)