Incumbensas e cumpetenzas
Il Cussegl dal public cumpiglia 15 commembras/commembers. El duai esser represchentativ ed includer: la presidenta/il president, set commembras/commembers elegids da la radunanza generala, quatter commembras/commembers elegids da la suprastanza, trais commembras/commembers cooptads dal cussegl dal public.
La directura/il directur RTR sa participescha a las sedutas cun vusch consultativa. La presidenta/il president SRG.R prenda per regla part a las sedutas cun vusch consultativa.
Il Cussegl dal public ...
- procura per in stretg contact tranter las persunas responsablas dals programs ed il public
- cusseglia las persunas responsablas en dumondas da program
- accumpogna e sustegna las activitads da program cun constataziuns, propostas ed impuls
- tracta er dumondas da program ch’al vegnan suttamessas da la suprastanza u dal cussegl regiunal
- surveglia per mauns dal cussegl regiunal, sche las purschidas da program ed ulteriuras purschidas publicisticas da RTR correspundan a las incumbensas circumscrittas en la lescha federala davart radio e televisiun ed en la concessiun
- infurmescha regularmain la publicitad davart sia activitad.
Il Cussegl dal public (perioda d'uffizi 01-01-2020 fin 31-12-2024)
-
Carmen Dedual
presidenta Cdp SRG.R,
scolasta e promotura regiunala LR -
Alice Bertogg-Darms
vicepresidenta Cdp SRG.R,
promotura regiunala LR -
Curdin Albin
pedagog, collavuratur academic Uffizi per la scola pop. ed il sport
-
Selina Crivelli-Caduff
referendaria d'administraziun communala
-
Curdin Caduff
scolast primar
-
Pascal Gian Caminada
cussegliader per dumondas socialas e per dumondas da dependenza / pedagog
-
Patric Collet
interprendider (PROJEKT.BOX)
-
Giancarlo Conrad
scolast
-
Simona Demarmels
scolasta primara
-
Alina Hendry
scolasta primara
-
Marta Lemm
mussadra e manadra da curs da linguatg
-
Alberto Palaia
istoricher ed emploià dal chantun
-
Ursina Schmed-Cathomas
mussadra da scolina
-
Adrian Viletta
scolast
-
Tina Vulpi
magistra da maturitad professiunala