Purtret RTR

La chasa da medias per la Svizra rumantscha

Qua vegns directamain sin la pagina da RTR

RTR Radiotelevisiun Svizra Rumantscha, cun sedia a Cuira, realisescha sco suletta chasa da medias electronicas il service public per la Svizra rumantscha. Dapi 1938 è il rumantsch renconuschì sco lingua naziunala e dapi 1996 sco lingua parzialmain uffiziala. Oz chapeschan en Svizra passa 100’000 persunas rumantsch, 60’000 discurran regularmain rumantsch e per 30’000 persunas è rumantsch il linguatg principal.

Direcziun
- Nicolas Pernet, directur RTR
- Flavio Bundi, schefredactur RTR
- Tamara Deflorin, scheffa communicaziun RTR
- Corsin Gadola, schef tecnica
- Beat Lozza, schef servetschs centrals RTR
- Isabella Wieland, manadra svilup d'organisaziun RTR

Dumber da persunal
ca. 125 plazzas a temp cumplain - repartidas sin ca. 170 persunas

Radio Rumantsch (RR)
RR emetta durant 24 uras per rumantsch. Singulas emissiuns d’infurmaziun (Rendez-vous, Echo der Zeit, novitads 24.00-05.00 Uhr) vegnan surpigliadas da radio SRF. Il program dal RR sa drizza ad in vast public: infurmaziuns localas fin internaziunalas, emissiuns da divertiment, reportaschas da sport e durant 24 uras in program da musica che tanscha dal pop al rock e da la musica populara als semperverds. Ina da las spezialitads dal RR è la musica rumantscha en tut sias fassettas.

Televisiun Rumantscha (TR)
Las emissiuns da la TR vegnan emessas sin il chanal da televisiun SRF1. Tuttas emissiuns pon ins era guardar cun suttitels tudestgs (pagina TXT 777).
Telesguard: glindesdi fin venderdi 17.40
Minisguard: sonda 17.40
Cuntrasts: dumengia 17.25

Multimedia
Dapi 1997 vegn l’offerta online cumplettada successivamain.
Pagina principala: www.rtr.ch
Pagina per giuvenils: www.battaporta.rtr.ch
Pagina per uffants: www.minisguard.ch

Ulteriuras infurmaziuns

La chasa da medias da Radiotelevisiun Svizra Rumantscha a Cuira.